’واشنگٹن(ویب ڈیسک)فوربز‘ کی سالانہ فہرست کے مطابق، امریکی گلوکارہ اور نغمہ نگار 2016ء کی سب سے زیادہ معاوضہ لینے والی فنکارہ قرار پائی ہیں، جن کی ملکیت کا اندازہ 17 کروڑ ڈالر لگایا گیا ہے۔ گذشتہ برس، سوئفٹ آٹھویں درجے پر فائز تھیں۔ پاپ اسٹار ٹیلر سوئفٹ اتنی امیر ہیں جتنا کہ انہوں نے اپنے خوابوں میں بھی نہیں سوچا ہوگا۔گذشتہ سال سب سے زیادہ پیسے کمانے والوں میں باکسر فلائیڈ مے ویدر اور مانی پکایو تھے، جو سنہ 2015میں باکسنگ کی سب سے زیادہ آمدن والے کھلاڑی قرار پائے تھے۔ میگزین کے مطابق، 2016ءکے دوران چھ کروڑ ڈالر کی آمدن کے بعد سوئفٹ نے برطانوی بوائے بینڈ ’ون ڈائریکشن‘ کو پیچھے چھوڑ دیا۔دیگر پاپ اسٹارز میں ادیلے شامل ہیں جو آٹھ کروڑ 50 لاکھ کے معاوضے کے ساتھ نویں درجے پر ہیں؛ سات کروڑ 65 لاکھ ڈالر کی آمدن کے ساتھ درجہ بندی میں میڈونا ریحانہ سے اوپر چلی گئی ہیں، جنھوں نے سال میں سات کروڑ 50 لاکھ ڈالر کمائے۔ ادھر، کیٹی پیری کی دولت چار کروڑ 10 لاکھ ہے، جس کے باعث وہ محض 63واں درجہ حاصل کرسکیں ہیں۔ ریلٹی ٹیلی ویژن اسٹار کِم کردشن جن کی تصویر رسالے کے کور پر چھپی ہوئی ہے، پانچ کروڑ 10 لاکھ ڈالر کی ملکیت کے ساتھ 42 ویں درجے پر آسکے، جس میں سے 40 فی صد کمائی اُن کے موبائل گیم ’کِم کرادشن: ہالی ووڈ‘ سے حاصل ہوئی۔بتایا جاتا ہے کہ سوئفٹ اپنے موبائل گیم کا افتتاح اگلے سال کریں گی۔
اسلام آباد(ویب ڈیسک) وفاقی بورڈ آف ریونیو نے جائیداد میں انکم ٹیکس ادا نہ کرنے والوں کے خلاف کریک ڈاؤن کی تیاری کرلی ۔ تمام صوبوں کے رجسٹرار اور بلڈرز سے 10 لاکھ جائیدادوں کی تمام معلومات جمع کرلی گئیں ہیں ۔
ذرائع ایف بی آر کے مطابق ان تمام افراد کے خلاف گھیرا تنگ کرنے کی تیاری کرلی گئی ہے جنہوں نے جائیداد میں اس رقم سے سرمایہ کاری کی جس پر انکم ٹیکس ہی ادا نہیں کیا گیا ۔ذرائع نے بتایا کہ ایف بی آر کو تمام صوبوں کے رجسٹرار ، بلڈرز اور ڈویلپرز نے خریداروں کا ڈیٹا بھی فراہم کردیا ہے ۔ ذرائع کا کہنا ہے کہ ڈیٹا سے انکشاف ہوا ہے کہ زیادہ تر سرمایہ کاری پوش ایریا میں کی گئی ہے ۔ذرائع کے مطابق کراچی کے پوش ایریا میں ڈیفنس اور کلفٹن کے علاقے سرفہرست ہیں ۔ ذرائع کا کہنا ہے کہ ڈیٹا میں ان افراد کو سرفہرست رکھا گیا ہے جنہوں نے اپنی دولت کو چھپایا ہے ۔
